Ef þér líður eins, þá eru Slóðavinir félagsskapur fyrir þig.

Ferða- og útivistarfélagið Slóðavinir (F.Ú.S.) var stofnað 15. janúar 2008 af rúmlega 120 notendum tví- og fjórhjóla. Strax á fyrstu dögum félagsins, var fjöldi félagsmanna að nálgast tvö hundruð. Á hverju ári bætist í hópinn og og fjöldi félaga nálgast hratt fjögurra stafa tölu.  

Árlega stendur félagið fyrir fjölda viðburða fyrir félagsmenn.  Yfir sumarið er farið í lengri og styttri ferðir, en yfir vetramánuðina eru haldin námskeið og fundir, auk þess sem farið er í snjó- og ísakstursferðir. Við fögnum fjölbreytileikanum og gerum ekki upp á milli mismunandi tegunda vélhjóla. Félagsmenn í Slóðavinum eru á öllum aldri, af báðum kynjum og búa um allt land.

Félagið hefur látið til sín taka í hagsmunagæslu fyrir ferðafólk á tví- og fjórhjólum og hefur meðal annars fundað með ráðherrum, starfsmönnum stofnana og fengið erlenda sérfræðinga hingað til lands til að ræða við embættismenn stjórnsýslunnar um nauðsyn og aðferðir við stjórnun þeirrar auðlindar sem slóðakerfi Íslands er.

Árgjaldið er kr. 6.500 fyrir einstakling, en kr. 10.500 fyrir fjölskyldur.

Lög félagsins

Yfirlýst markmið félagsins eru:

• að standa vörð um tilvist og akstur á torleiðum, þjóðleiðum og vegslóðum, hvort sem er á lág- eða hálendi í samræmi við lög.
• að vernda og viðhalda akstursleiðum í þágu landnýtingar fyrir vélknúin farartæki.
• að útbreiða og efla notkun vélhjóla sem almenningsíþrótt, heilsusamlega heilsurækt og útiveru.
• að auka þekkingu félagsmanna sem og almennings, fjölmiðla, stjórnvalda og landeigenda á ferðalögum og útivist þeirra sem aka um á vélhjólum.
• að miðla upplýsingum um torleiðir, þjóðleiðir og vegslóða til félagsmanna.
  
• að gefa gott fordæmi um umgengni með jákvæðri eftirbreytni og umræðu um náttúruvernd.
• að gæta hagsmuna félagsmanna varðandi búnað og annað er lítur að vélhjólum i samráði við viðkomandi yfirvöld.